पश्चिम एसियामा द्वन्द्व चर्किँदै जाँदा बढ्याे कच्चा तेलकाे मूल्य

काठमाडाैं । पश्चिम एसियामा द्वन्द्व चर्किँदै जाँदा अन्तर्राष्ट्रिय बजारमा कच्चा तेलको मूल्य तीव्र रूपमा बढेको छ । इरान समर्थित हुथी विद्रोहीले पहिलो पटक इजरायल माथि आक्रमण गरेपछि क्षेत्रीय तनाव थप गम्भीर बनेको हो ।

युद्ध फैलिँदा तेल महँगिएको हाे । सोमबार ब्रेन्ट क्रुडको मूल्य करिब २.८ प्रतिशतले बढेर प्रति ब्यारेल ११५ डलर नाघेको छ भने अमेरिकी वेस्ट टेक्सस इन्टरमिडिएट पनि १०२ डलरभन्दा माथि पुगेको छ ।

ऊर्जा बजारमा आएको उछालले विश्वव्यापी रुपमा इन्धन आपूर्ति र मूल्यमा थप दबाब पर्ने संकेत गरेको छ ।