नितिश कुमारले दसौं पटक लिए मुख्यमन्त्रीकाे शपथ

काठमाडाैं । बिहारको मुख्यमन्त्रीका रूपमा नितिश कुमारले दसौं पटक शपथ ग्रहण गरेका छन् । पटनाको गान्धी मैदानमा आयोजित सपथ ग्रहण समारोहमा प्रधानमन्त्री नरेन्द्र मोदी, गृहमन्त्री अमित शाह, भाजपा अध्यक्ष जेपी नड्डा, संघीय मन्त्री राजनाथ सिंह र धर्मेन्द्र प्रधानलगायत नेताकाे उपस्थितिमा शपथ ग्रहण गरेका हुन् ।

बिहार विधानसभाको पछिल्लो चुनावमा भारतीय जनता पार्टी (भाजपा) र जनता दल युनाइटेडको राष्ट्रिय लोकतान्त्रिक गठबन्धन (एनडिए) ले दुईतिहाइ बहुमत ल्याएपछि ७४ वर्षीय नितिश कुमार दसौं पटक मुख्यमन्त्री बने ।

नितिश कुमार सन् २००० मा पहिलो पटक मुख्यमन्त्री बनेका थिए । दोस्रो र तेस्रो पटक उनले २००५ र २०१० को विधानसभा चुनावमा एनडिएको बहुमत आएपछि मुख्यमन्त्रीको सपथ लिएका थिए ।