क्रिकेटर ललित राजवंशीलाई मातृ शोक

विराटनगर । नेपाली राष्ट्रिय क्रिकेट टोलीका सदस्य ललित राजवंशीलाई मातृशोक परेको छ ।

विराटनगर महानगरपालिका – १४ जतुवास्थित आफ्नै घरमा उनकी आमा शुभकुमारी राजवंशीको निधन भएको हो ।

६० वर्षीया राजवंशी लामोसमयदेखि दमसँगै फोक्सोको बिरामी थिइन् । शनिबार राति उनी औषधी खाएर सुतेकी थिइन् । बिहान छोरीले उठाउन खोज्दा उनको निधन भइसकेको थियो ।

उनकाे सिंघीया खोलामा अन्त्येष्टी गरिएकाे छ ।