अमेरिकामा जहाज दुर्घटना : ५० जनाको शव भेटियो

काठमाडौं । अमेरिकाको वासिङ्टनमा भएको जहाज दुर्घटनामा ५० जनाको मृत्यु भएको १६ जना अझै बेपत्ता छन् । अमेरिकी सञ्चारमाध्यमहरूले पोटोम्याक नदीबाट ४० जनासहित अहिलेसम्म ५० जनाक शव फेला परेको हो ।

विमानमा सवार १७ जना अझै बेपत्ता छन् ।

बुधबार राति स्थानीय समयअनुसार ९ बजे अवतरणको तयारीमा रहेको जहाज र हेलिकप्टर आकाशमा ठोक्किएर नदीमा खसेको थियो । जहाजमा ६४ जना सवार थिए । सेनाको हेलिकप्टरमा ३ जना सवार थिए । दुर्घटनामा कोही पनि जिवित नरहेको बताइएको छ ।

अमेरिकी राष्ट्रपति डोनाल्ड ट्रम्पले पनि दुर्घटनामा कोही जिवित नरहेको बताएका छन् ।

वासिङ्टनस्थित रोनाल्ड रेगन राष्ट्रिय विमानस्थलमा अवतरण गर्न लागेको अमेरिकन एयरलाइन्सको जहाज सेनाको हेलिकप्टरसँग ठोक्किएको थियो ।

आकाशमै ठोक्किएका जहाज र सेनाको ब्ल्याक हक हेलिकप्टर आगोको लप्टोसहित पोटोम्याक नदीमा खसेको थियो ।

जहाजमा चालकदलका ४ सदस्यसहित ६४ जना सवार थिए भने हेलिकप्टरमा तीन जना सैनिक सवार थिए । उनीहरू सबैको मृत्यु भएको भनिएपनि सबैको शव फेला परेको छैन ।