इजरायल र लेबनानले गरे युद्धविराम

विराटनगर । इजरायल र लेबनानले युद्धविराम गर्ने सहमति गरेका छन् । मंगलबार दुई देशबीच युद्धविराम गर्ने सहमति भएकाे हाे ।

इजरायलले हिजबुल्लाहलाई लक्षित गरी लेबनानमा आक्रमण सुरु गरेपछि दुई देशबीच युद्ध जारी थियो । मंगलबार राति इजरायली सुरक्षा क्याबिनेटले युद्धविरामको प्रस्तावलाई स्वीकार गरेको समाचारमा जनाइएको छ ।

सहमति अनुसार अब इजरायली सेना दक्षिणी लेबनानबाट फिर्ता हुने छ । हिजबुल्लाले पनि इजरायलको क्षेत्रमा पर्ने लितानी नदीको दक्षिणी सीमाबाट आफ्ना सशस्त्र समूहलाई फिर्ता गर्ने छ ।

इजरायल र लेबनानबीच भएको युद्धविराम सहमतिको संयुक्त राष्ट्रसंघले स्वागत गरेको छ । संयुक्त राष्ट्रसंघका महासचिव एन्टोनियो गुटेरेसले दवै पक्षलाई युद्धविरामको सहमतिलाई कडाइका साथ कार्यान्व्यन गर्न आह्वान गरेका छन् ।