महाराष्ट्रमा विजेपी गठबन्धनलाई सुविधाजनक बहुमत

काठमाडौं । भारतको महाराष्ट्रमा भारतीय जनता पार्टीसहितको गठबन्धनले सहज बहुमत पाएको छ । पछिल्लो पाँच वर्षमा महाराष्ट्रमा तीन पटक सरकार फेरिएको थियो ।

भाजपा नेतृत्वको महायुति गठबन्धनमा एकनाथ शिन्दे नेतृत्वको शिव सेना र अजित पवारको (एनसीपी) थियाे । याे गठबन्धनले सहज बहुमतका साथ सत्ता सुरक्षित गरेको हाे ।

महाराष्ट्र गठबन्धन महायुतिले २३५ सिट जितेको छ । विपक्षी गठबन्धन (महाविकास अघाडी) ले ४९ र अन्य ४ उम्मेदवारले चुनाव जितेका छन् ।

भाजपा एक्लैले १३३ सिट जितेको छ । एकनाथ शिन्दे नेतृत्वको शिव सेनाले ५७ र अजित पवार नेतृत्वको एनसीपीले ४१ सिट जितेको छ । महाराष्ट्रमा भाजपा सबैभन्दा ठूलो दल बनेका छ ।

लोकसभा निर्वाचनमा भाजपा महाराष्ट्रमा कमजोर बनेको थियो । ४८ सिटको लोकसभामा भाजपा नेतृत्वको एनडिएले जम्मा १७ सिट मात्रै जितेको थियो । तर विधानसभा निर्वाचनमा भाजपाले नेतृत्वको गठबन्धनले उद्धव ठाकरे नेतृत्वको शिव सेना, कांग्रेस र शरद पवारको (एनसीपी)लाई पराजित गरेको हो ।