बिसे नगर्चीको इतिहास प्रकाशन

विराटनगर । स्वर्गीय पृथ्वीनारायण शाहको सल्लाहकारको भूमिकामा रहेका बिसे नगर्चीका बारेमा लेखिएकाे पुस्तक प्रकाशन भएको छ । लेखक दीपेन्द्रराज तिम्सिनाले नगर्चीको बारेमा खोज, अनुसन्धान गरि ‘गुमनाम एक इतिहास बिसे नगर्ची’ पुस्तक प्रकाशन गरेका हुन् ।

बिसे नगर्ची सन्तानलाई तत्कालिन सरकारले दिएको सनदपत्र, लालमोहरलगायत सामग्रीको अध्ययन गरी पुस्तक प्रकाशन गरेको लेखक तिम्सिनाले बताए । विभिन्न समयमाका दस्तावेजमा बिसेले नुवाकोटमा २ पटक आक्रमण गर्दा हार खायर चिन्तित बनेका पृथ्वीनारायण शाहलाई सही समयमा सहि सल्लाह दिएर युद्ध जितेको इतिहास छ ।

सामान्य अवस्थामा रहेका बिसे नगर्चीले दिएको सल्लाह नै पृथ्वीनारायण शाहलाई युद्ध जित्ने अष्त्र झै बनेको बताइन्छ । नुवाकोट आक्रमणमा हार व्यहोरेका पृथ्वीनारायण शाह हतियार किन्न चाहन्थे । तर त्यसबेला राज्य कोषमा पैसा थिएन । त्यसबेला दरबारमा नगरा बजाउने बिसे नगर्चीले उनलाई सल्लाह दिएका थिए । त्यसबेला हतियार किन्न १२ हजार चाहिएको थियो । तत्कालिन समयमा पृथ्वीनारायण साहलाई उनले गोरखामा बस्नेसबै घरधुरीबाट सहयोग संकलन गर्न सल्लाह दिएका थिए ।

राज्य एकिकरणमा उचित सल्लाह दिने नगर्चीलाई राज्यले कस्तो सम्मान दियो, भन्ने विषयमा अध्ययन गरेको उनले तिस्मिनाले बताए । बिसेको जन्म विसं १७४६ र मृत्यु विसं १८२८ मा उल्लेख छ ।

बिसे नगर्चीले गोरखाली पक्षधर भएर विभिन्न युद्धमोर्चामा भाग लिएका थिए । बिसे नगर्ची तिम्सिनाको लेखेको यो १२ औंं पुस्तक हो ।