तेजस्वीले आश्रममा मनाए जन्मदिन

विराटनगर । सामाजिक अभियन्ता तेजस्वी मण्डलले बाल आश्रममा जन्मदिन मनाएका छन् ।

मोरङ क्षेत्र ५ का प्रतिनिधिसभा सदस्य योगेन्द्र मण्डलका छोरा तेजस्वी २३ औं जन्मदिन विराटनगरको पूर्वाञ्चल बाल आश्रममा मनाएका हुन् ।

जन्मदिनमा उनले आश्रममा रहेका ९० जना वृद्ध तथा बालकलाई खाना वितरण गरे । उनी सांसद योगेन्द्र मण्डलले सुरु गरेको वृक्षरोपणसँगै विभिन्न सामाजिक अभियानमा सक्रिय छन् ।

आश्रममा जन्मदिन मनाउनका लागि पुगेको सांसद मण्डलले युवाहरूले होटल र क्लबमा नभइ सामाजिक काम गरेर जन्मदिन मनाउनु पर्ने बताए । जन्मदिनको नाममा बाहिर हुने खर्च कम गर्दै सामाजिक कामका लागि प्रयोग गर्न पनि आग्रह गरे ।