विराट र नाेबेलसहित दश मेडिकल कलेजमा स्वास्थ्य बीमा लागू

काठमाडौं ।  स्वास्थ्य बीमा बोर्डले कोशी प्रदेशका तीन वटा मेडिकल कलेजसहित १० वटा निजी मेडिकल कलेजमा स्वास्थ्य बीमा कार्यक्रम लागू गरेको छ ।
बोर्डले आजदेखि लागू हुने गरी बीमा कार्यक्रम सञ्चालन स्वीकृति दिएको हो ।

बोर्डका अध्यक्ष डा‍ गुणराज लोहनीले काठमाडौं उपत्यकाका चार र बाहिरका ६ वटा मेडिकल कलेजमा स्वास्थ्य बीमा लागू भएको छ ।

उनका अनुसार नोबेल मेडिकल कलेज टिचिङ हस्पिटल विराटनगर, विराट मेडिकल कलेज शिक्षण अस्पताल विराटनगर, बीएण्डसी मेडिकल कलेज शिक्षण अस्पताल विर्तामोडमा स्वास्थ्य बीमा लागू भएको छ ।

चितवन मेडिकल कलेज शिक्षण अस्पताल भरतपुर, देवदह मेडिकल कलेज खैरनी रूपन्देही र नेपालगञ्ज मेडिकल कलेज बाँकेमा पनि लागू भएको छ ।

काठमाडौं मेडिकल कलेज टिचिङ हस्पिटल सिनामंगल काठमाडौँ, मनमोहन मेडिकल कलेज शिक्षण अस्पताल, सितापाइला, नेपाल मेडिकल कलेज शिक्षण अस्पताल, जोरपाटी र किष्ट मेडिकल कलेज टिचिङ हस्पिटल ग्वार्कोमा पनि बीमा लागु भएको छ ।

विर्ताज्योति आइकेयर प्रालि, झापा र दृष्टि आई अस्पताल, पोखरामा पनि स्वास्थ्य बीमा लागू भएको छ । बोर्डले हालसम्म ४७२ वटा सेवा प्रदाय स्वास्थ्य संस्थासँग बीमा कार्यक्रम सम्झौता गरेको छ ।