अक्सिजन कम हुँदा शरीरले देखाउने पाँच संकेत

विराटनगर । मानिसको शरीरमा अक्सिजनको लेबल ९५ प्रतिशतभन्दा बढी हुनुपर्छ । फोक्सोसम्बन्धी समस्या वा अन्य दीर्घकालीन रोग भएको मानिसमा अक्सिजन स्याच्युरेसन ८८ प्रतिशत भन्दा बढी हुनुपर्छ । अक्सिजन लेबल ७५ प्रतिशत भन्दा कम भए समस्यया देखिन्छ । दम र छातीमा निमोनियाको कारण अक्सिजन कम हुनसक्छ । यी रोगले फोक्सो बिगार्छ, जसकारण अक्सिजनको कमी हुन्छ ।

उच्च उचाइमा जाँदा गुम्म परेको कोठामा आगो बालेर बस्दा पनि शरीरमा अक्सिजनको कमी हुन्छ । रगतमा हेमोग्लोबिनको कमी हुँदा पनि अक्सिजनको कमी हुनसक्छ । अक्सिजन कम भएको यसरी थाहा पाउन सकिन्छ :

सास फेर्न गाह्रो हुनु

अक्सिजनको कमी भएमा सास फेर्न गाह्रो हुन्छ । शरीरमा रगतको प्रवाह सुस्त हुन्छ । यसले शरीरमा चिटचिट पसिना आउने, चिडचिडा हुने गर्छ । यस्तो अवस्थामा शरीरमा अक्सिजनको कमी भएको थाहा पाउन सकिन्छ ।

छाती दुख्नु

अक्सिजनको कमीको संकेत छाती दुख्नु पनि हो । फोक्सोमा अक्सिजनको मात्रा कम हुँदा छाती दुख्ने समस्या हुन्छ । मस्तिष्कमा अक्सिजनको मात्रा कम र कार्बनडाइअक्साइडको मात्रा बढी भयो भने त्यसको असर फोक्सोमा पर्छ ।

मुटुको धड्कन बढ्नु

मुटुको धड्कन पनि अक्सिजन कमी हुँदा बढ्न सक्छ । शरीरमा अक्सिजन कमी हुँदा मुटुमा पनि स्वतः अक्सिजन कमी हुन्छ । यसले रक्तसञ्चारमा समस्या हुन्छ । विना कारण हातखुट्टा निलो भएको छ भने शरीरमा अक्सिजनको कमी भएको हुनसक्छ । शरीरमा अक्सिजनको मात्रा कम हुनु भनेको कार्बनडाइअक्साइको मात्रा बढ्नु हो ।

हाइ आउनु

बारम्बार हाइ आउनुपनि शरीरमा अक्सिजनको कमी भएको संकेत हो । किनभने मष्तिस्कमा अक्सिजनको कमी हुँदा हाइ आउँछ । हाइले अक्सिजनको आपूर्ति गराएर शरीरमा ऊर्जा बढाउन मद्दत गर्छ ।

निद्रा

राती मज्जाले सुते पनि दिउँसो निद्रा लाग्छ भने शरीरमा अक्सिनजको कमीले हुन सक्छ । मस्तिष्कमा अक्सिजनको मात्रा कम हुँदा पूरा निद्रा सुते पनि निद्रा लाग्ने वा झुम्म भइराख्ने, कमजोरी महसुस हुने हुन्छ । टाउको दुख्ने, दृष्टिमा समस्या, रिंगटा लाग्ने, हातखुट्टा सुन्निने र बेहोस भएर ढल्ने समस्या पनि अक्सिजन कमी हुँदा हुन्छ । लामो समय शरीरमा अक्सिजनको मात्रा कमी भए व्यक्तिको मृत्युको जोखिम हुन्छ ।