विश्वकप क्रिकेटमा स्कटल्याण्डसँग खेल्दै नेपाल

काठमाडौं । भारत र श्रीलंकामा जारी आईसीसी टी–२० विश्वकपमा समूह चरणबाट बाहिरिसकेको नेपाली राष्ट्रिय क्रिकेट टोलीले मंगलबार स्कटल्यान्डविरुद्ध खेल्दैछ ।

समूह चरणको अन्तिम खेल मुम्बइको वानखेडे स्टेडियममा साँझ सवा ७ बजे सुरु हुनेछ ।

लगातार ३ खेलमा हार व्याेहाेर्दै सुपर ८ दौडबाट बाहिरिसकेको नेपाली टोली स्कटल्यान्डविरुद्ध मैदान उत्रदा सुखद् अन्त्यको योजनामा छ ।

नेपाल पहिलो खेलमा इंग्ल्यान्डसँग ४ रनले पराजित भएको थियो ।

दोस्रो खेलमा कमजोर मानिएको इटालीसँग १० विकेटले पराजित भयाे ।

तेस्रो खेलमा वेस्ट इण्डिजसँग ९ विकेटको हार भोग्यो ।