एनपीएलमा विराटनगरको पहिलाे हार

काठमाडौं । नेपाल प्रिमियर लिगमा विराटनगर किंग्सको अपराजित यात्रामा ब्रेक लागेको छ । चितवन राइनोजले दोस्रो निकाल्दा विराटनगरको अपराजित यात्रामा ब्रेक लगाएको हो ।

कीर्तिपुरस्थित टीयू अन्तर्राष्ट्रिय क्रिकेट स्टेडियममा बुधबार भएको खेलमा चितवन राइएनोजले विराटनगर किंग्सलाई ४८ रनले पराजित गरेको हो ।

चितवनले दिएको १७५ रनको लक्ष्य पछ्याएको विराटनगरले १६।५ ओभरमा सबै विकेट गुमाएर १२६ रनमा अलआउट भयो ।

विराटनगरका लागि लोहर अर्डका मर्चेन्ट डे लाङले ३९ र प्रतिश जिसीले ३० रन बनाए पनि टिमको हार टार्न पर्याप्त भएन । डे लाङ र प्रतिशले नवौँ विकेटका लागि ३६ रनको साझेदारी गरेका थिए । यस्तै साम हिजलेटले २२ रन जोडे । विराटनगरका ८ खेलाडीले दोहोरो अंकमा रन जोड्न सकेनन् ।

विराटनगरलाई अलआउट गर्न चितवनका स्पीनर रन्जित कुमारले ४ ओभरमा २१ रन खर्चेर ५ विकेट लिए । उनी यस सिजन एकै खेलमा ५ विकेट लिने पहिलो बलरसमेत बनेका छन् ।