मैत्रीपूर्ण महिला फुटबलमा नेपालले भारतलाई हरायाे

काठमाडौं । मैत्रीपूर्ण महिला फुटबल खेलमा नेपालले भारतलाई पराजित गरेको छ ।

सिक्किमको पाल्जोर स्टेडियममा बुधबार भएको अनअफिसियल मैत्रीपूर्ण खेलमा नेपालले भारतलाई पेनाल्टीसुटआउटमा ३–० ले पराजित गरेको हो ।

निर्धारित ९० मिनेटको खेल १–१ को बराबरीमा सकिएपछि पेनाल्टीसुटआउट भएको थियो । पेनाल्टीमा अन्जना राना मगरले दुई पेनाल्टी बचाइन् ।

पेनाल्टीसुटआउटमा नेपालका लागि सविता राना मगर, रश्मि कुमारी घिसिङ र निशा थोकरले गोल गरे । अनिता बस्नेतको प्रहार बाहिरिएको थियो ।

अन्जना राना मगरले प्रियदर्शनी र अस्ताम ओरामको प्रहार बचाइन् । बुधबार ट्राईनेसन्स मैत्रीपूर्ण खेलमा नेपालले भारतलाई २-१ ले पराजित गरेको थियो ।