सुपर ३ को अन्तिम खेलमा नेपाल पराजित

काठमाडौं । आईसीसी महिला टी– २० विश्वकप एसिया छनोटको खेलमा नेपाल थाइल्याण्डसँग पराजित भएको छ । सुपर ३ अन्तर्गतको अन्तिम खेलमा ७८ रनले पराजित भएको हो ।

नेपाल एसिया छनोटको उपविजेता हुँदै ग्लोबल छनोटमा प्रवेश गरेको छ । थाइल्याण्ड अपराजित रहँदै एसिया छनोटको उपाधि जितेको छ ।

थाइल्याण्डले दिएको १५९ रनको बलियो लक्ष्य पछ्याएको नेपालले २० ओभरमा ९ विकेट गुमाएर ८० रन मात्र बनाउन सक्यो ।

सोमबार भएको खेलमा नेपालले यूएईलाई हराउँदै पहिलोपटक एसिया छनोट पार गर्दै ग्लोबल छनोटमा पुगेको थियो ।