आइपीएल स्थगित, पीएसएल यूएईमा सर्याे

काठमाडौं । भारत र पाकिस्तानबीच बढ्दाे तनावका कारण भारतमा जारी इन्डियन प्रिमियर लिग (आइपीएल) स्थगित भएकाे छ ।

बिहीबार आइपीएलको खेल चल्दाचल्दै फ्लड लाइट बन्द गरिएको थियो । त्यसपछि प्राविधिक कारणले खेल स्थगन गरिएको सूचना निकालियो । यद्यपि, मुख्य कारण सुरक्षाको थियो ।

आज आइपीएलमा लखनउ र बैंगलोरबीचको खेल लखनउमा हुने सेड्यूल थियो । तर, बीसीसीआइले अर्को निर्णय नभएसम्मका लागि प्रतियोगिता स्थगन गरेको जनाएकाे छ । भारत पाकिस्तानबीच बढ्दाे तनावका कारण आइपीएल स्थगित भएकाे हाे । आइपीएलमा अहिलेसम्म ५८ खेल भइसकेका छन् । अब समूह चरणमा १२ खेल मात्रै खेलाउन बाँकी छ ।

पाकिस्तानमा भइरहेको पीएसएल पनि स्थगन गरिएको छ । अब पीएसएलका बाँकी खेलहरु यूएईमा हुनेछन् ।