आईपीएलमा १४ वर्षीय वैभवको शानदार शतक

काठमाडौं ।इन्डियन प्रिमियर लिग आईपीएल क्रिकेटमा १४ वर्षीय ओपनिङ ब्याटर वैभव सूर्यवंशीको शानदार शतक प्रहार गरेका छन् । राजस्थान रोयल्सले गुजरात टाइटन्सलाई ८ विकेटको पराजित गर्दा सूर्यवंशीले शानदार शतक प्रहार गरेका हुन् । ओपनर वैभवले ३५ बलमा शतक पूरा गरे । शतकलगत्तै १ रन लिएपछि उनी बोल्ड भएका थिए ।

पहिलो विकेटका लागि अर्का ओपनर यशश्वी जैसवालसँग मिलेर १६६ रनको साझेदारी गरे । ३८ बलको सामना गरेका वैभवले ७ चौका र ११ छक्कासहित १०१ रन बनाएका थिए । गुजरातले दिएको २१० रनको लक्ष्य राजस्थानले १५‍.५ ओभरमा २ विकेट गुमाएर पूरा गर्‍यो ।

वैभव आइपीएलमा शतक बनाउने सबैभन्दा कान्छा खेलाडी बने । सबैभन्दा छिटो शतक बनाउने भारतीय खेलाडी पनि बनेका छन् । समग्रमा यो दोस्रो छिटो शतक हो । क्रिस गेलले सन् २०१३ मा ३० बलमै शतक बनाएका थिए ।

त्यसअघि टस हारेर ब्याटिङको निम्तो पाएको गुजरातले २० ओभरमा ३ विकेट गुमाएर २०९ रन बनाएको थियो । कप्तान शुभमन गिलले सर्वाधिक ८४ रनको योगदान दिए भने जस बट्लर ५० रनमा नटआउट रहँदा साइ सुदर्शनले ३९ रन बनाएका थिए ।