लिभरपुलले जित्यो प्रिमियर लिगको उपाधि

काठमाडौं । चार खेल अगावै लिभरपुलले प्रिमियर लिग २०२४–२५ को उपाधि जितेको छ । आइतबार राती घरेलु मैदानमा टोटनहमलाई ५– १ ले पराजित गर्दै लिभरपुलले लिगको उपाधि जितेको हो । ३४ खेलबाट लिभरपुलले ८२ अंक जोडेको छ । दोस्रो स्थानमा रहेको आर्सनलले समान खेलबाट ६७ अंक जोडेको छ ।

एनफिल्डमा भएको खेलमा सुरुमा गोल व्यहोरेपनि लिभरपुलले पुनरागमन गर्दै सानदार जित हात पारेको हो । लिभरपुलका लागि लुइस डियाज, एलेक्सिस म्याक एलिस्टर, कोडी गाक्पो र मोहम्मद सालाहले एक–एक गोल गरे । टोटनहमले एक आत्मघाती गोल उपहार दिएका थिए । टोटनहमका लागि डोमिनिक सोलान्केले गोल गरे ।

लिभरपुलले उपाधि संख्यामा म्यानचेष्टर युनाइटेडसँग बराबरी गरेको छ । युनाइटेडको २० पटक इंग्लिस शीर्ष डिभिजनको लिग जित्ने कीर्तिमान बराबरी गरेको हो ।