आइपीएलमा गुजरातले बैंग्लुरुलाई हरायो

काठमाडौं । जोश बटलरको सानदार अर्धशतक बनाउँदा गुजरात टाइटन्सले आइपीएलमा रोयल च्यालेन्जर्स बैंग्लुरु आठ विकेटले पराजित गरेको छ । बैंग्लुरुले दिएको १७० रनको लक्ष्य गुजरातले १७.५ ओभरमा दुई विकेट गुमाउँदै पूरा गरेको हो ।

यो नतिजासँगै गुजरातले तीन खेलबाट चार अंक जोडेको छ । समान अंक भएको बैंग्लुरुको भने पहिलो हार हो ।

गुजरातका बटलरले अविजित रहँदै सर्वाधिक ७३ रन बनाए । ३९ बल खेलेका उनले पाँच चौका र ६ छक्का प्रहार गरे । शाई सुदर्शन ४९ र कप्तान सुभमन गिल १४ रनमा आउट हुँदा शेर्फेन रदरफोर्ड ३० रनमा अवजिति रहे ।

त्यसअघि टस हारेर पहिले ब्याटिङ गरेको बेंगलुरुले २० ओभरमा ७ विकेट गुमाएर १६९ रन बनाएको थियो । लियाम लिभिङस्टनले सर्वाधिक ५४ रन बनाए भने जितेश शर्माले ३३ र टिम डेभिडले अविजित ३२ रन बनाए ।

गुजरातका लागि मोहम्मद सिराजले ४ ओभरमा १९ रन दिएर ३ विकेट लिए । साइ किशोरले ४ ओभरमा २२ रन दिएर २ विकेट लिए । इशान्त शर्मा, प्रसिध कृष्णा र अर्शद खानले १(१ विकेट लिए ।