फाइनलमा १३ औं पटक हार्याे नेपाल

काठमाडौं । नेपाल महिला फुटबल टोली १३ औं पटक फाइनलमा पराजित भएको छ । यसअघि १२ वटा फाइनलमा नेपाल पराजित भएको थियो ।

बुधबार अन्तर्राष्ट्रिय महिला फुटबल प्रतियोगिताको फाइनल खेलमा पनि म्यानमारसँग २–० ले पराजित भयो ।

खेलमा उत्कृष्ट प्रदर्शन गरिरहेको नेपाल ६२ औं मिनेटमा पछि परेको थियो । त्यसको दोस्रो मिनेटमै अर्को गोल बेहोरेपछि नेपाल उपविजेतामा सिमित रह्यो ।

यसअघि नेपाली महिला टाेली साफमा छैटौं पटक फाइनलमा पराजित भएकाे थियाे । दक्षिण एसियाली खेलकुद (साग) मा ३ पटक, हिरो गोल्डकप, नादेज्दा कप र वाफ वुमन्स च्याम्पियनसिपमा १–१ पटक फाइनलमा पुगेर पराजित भएकाे थियाे ।

साफको १४ वर्षे इतिहासमा नेपालले ६ पटक फाइनल खेलिसकेको छ ।

नेपाल सबै खाले प्रतियाेगितामा भारतसँग ७ पटक फाइनलमा पराजित भयाे । बंगलादेशसँग दुई पटक, म्यानमार, उज्वेकिस्तान र जोर्डनसँग १–१ पटक फाइनलमा पराजित भइसकेको छ ।