थाइल्याण्डसँग फेरि हार्यो नेपाल, उपाधि होड समाप्त

काठमाडौं । काठमाडौंमा जारी नेपाल, नेदरल्याण्ड्स र थाइल्याण्ड सम्मिलित महिला टी- २०आई शृंखलाको चौथो खेलमा नेपाल थाइल्याण्डसँग पराजित भएको छ ।

लिगकाे चाैथाे तथा थाइल्याण्डसँगकाे दाेस्राे खेलमा ५ रनले पराजित भएकाे हाे । याे हारसँगै उपाधि होडबाट पनि नेपाल  बाहिरिएको छ । लिगमा  अब नेपालले बाँकी दुवै खेल जितेपनि उपाधिका लागि पर्याप्त हुनेछैन ।

मंगलबार त्रिवि क्रिकेट मैदान कीर्तिपुरमा थाइल्याण्डले दिएको १०७ रनको लक्ष्य पछ्याएको नेपालले २० ओभरमा ८ विकेट गुमाएर १०१ रन मात्र बनाउन सक्यो ।

नेपालका लागि कविता जोशीले सर्वाधिक २४ रन बनाइन् । थाइल्याण्डका लागि थिपाथ्चा पूथावोङले ४ ओभरमा १० रन दिएर ४ विकेट लिइन् । फनिता मायाले २ विकेट लिइन् ।

त्यसअघि टस जितेर पहिले ब्याटिङ गरेको थाइल्याण्डले २० ओभरमा ६ विकेट गुमाएर १०६ रन बनाएको थियो ।

शृंखलामा थाइल्याण्डले  लगातार चौथो जित निकालेकाे छ ।