वर्षाले श्रीलंका र नेपालबीचको खेल पनि प्रभावित, दुवै टोलीले अंक बाँडे

विराटनगर । मलेसियामा जारी महिला यु–१९ एसिया कपमा नेपाल र श्रीलंकाबीचको खेल पनि वर्षाका कारण स्थगित भएको छ । बुधबार भारतसँगको खेल  वर्षाका कारण स्थगित भएको थियो । ‘सुपर–४’ को खेल स्थगित भएपछि नेपाल र श्रीलंकाले १–१ अंक बाँडेका छन् ।

मलेसियाको क्वालालम्पुरस्थित वेयुमास ओभल क्रिकेट मैदानमा केही बेर अघि सुरु भएको खेल वर्षाले स्थगित भएको थियो । नेपालले श्रीलङ्काविरुद्ध टस जितेर फिल्डिङ थालेको थियो । पहिलो ओभर सकिएलगत्तै वर्षा सुरु भएपछि खेल रोकिएको थियो ।

समूह चरणको अन्तिम खेल वर्षाका कारण रद्द भएपछि नेपाल र भारतले एक–एक अङ्क बाँडेका थिए । रनरेटको आधारमा भारत समूह ‘ए’ को विजेता बन्दा नेपाल उपविजेता बनेको थियो ।