एनपीएलमा कर्णालीको पहिलो जित

काठमाडौं । नेपाल प्रिमियर लिग (एनपीएल)मा कर्णाली याक्सले पहिलो जित निकालेको छ । शुक्रबार आफ्नो तेस्रो खेलमा कर्णालीले चितवन राइनोजलाई ६ विकेटले पराजित गरेको हो ।

कीर्तिपुरस्थित अन्तर्राष्ट्रिय क्रिकेट मैदानमा टस हारी ब्याटिङको निम्तो पाएको चितवन राइनोजले निर्धारित २० ओभरमा सात विकेट गुमाएर एक सय ३० रन बनाएको थियो ।

जवाफी ब्याटिङ गरेको कर्णाली याक्सले १९.५ ओभरमा चार विकेट गुमाएर एक सय ३२ रन बनाउँदै विजयलक्ष्य भेट्टायो । कर्णाली याक्सका लागि शिखर धवनले ४५ रनको योगदान गरे ।

कर्णाली यसअघि जनकपुर बोल्ट्स र काठमाडौं गोर्खाजसँग पराजित भएको थियो । पहिलो जितपछि कर्णालीले दुई खेलको हारको शृंखलाई ब्रेक गर्दै २ अंक जोडेको छ ।