सुदूरको दोस्रो जित, काठमाडौँ पराजित

काठमाडौं । नेपाल प्रिमियर लिगमा सुदूरपश्चिम रोयल्स ले काठमाडौं गोर्खाजलाई ७३ रनले पराजित गरेको छ ।

नरेन साउदले ५ विकेट लिएपछि सुदूरपश्चिम काठमाडौँलाई पराजित गर्दै दोस्रो जित निकालेको हो । पहिलो खेलमा विराटनगर किंग्सलाई पराजित गरेको थियो ।

काठमाडौंको तेस्रो खेलमा यो दोस्रो हार हो ।

१६८ रनको लक्ष्य पछ्याएको काठमाडौं गुर्खाज १५.५ ओभरमा ९४ रनमै अलआउट भयो ।

सुदूरका लागि अविनाश बोहराले ३ ओभरमा १ मेडन राख्दै १२ रन खर्चेर २ विकेट लिए ।

काठमाडौंका लागि स्टेफेन इस्किनाजीले सर्वाधिक ३७ रन बनाए । सुमित महर्जनले १४ तथा भिम शार्की र जेरार्ड एरासमसले समान १० रन जोडे । अन्य खेलाडीले अंक जोड्न सकेनन् ।

कीर्तिपुरस्थित टीयू मैदानमा टस हारेर पहिले ब्याटिङ गरेको सुदूरपश्चिमले १६७ रन बनाएको थियो ।