एनपीएलमा जनकपुरसँग पोखरा र काठमाडौंसँग सुदूरको खेल आज

विराटनगर । नेपाल प्रिमियर लिग (एनपीएल) मा आज बिहीबार दुई खेल हुँदैछ । कीर्तिपुरस्थित त्रिवि मैदानमा पहिलो खेल बिहान ९ः १५ बजे पोखरा एभेन्जर्स र जनकपुर बोल्ट्सबीच हुनेछ ।

दिउँसो सवा १ बजे हुने दोस्रो खेल काठमाडौं गोर्खाज् र सुदूरपश्चिम रोयल्सबीच हुनेछ।

लगातार दुई खेल जितेको जनकपुर तेस्रो जितको खोजीमा छ । पहिलो खेलमा विराटनगर किंग्सलाई र दोस्रो खेलमा कर्णाली याक्सलाई पराजित गरेको थियो।

पोखराको यो दोस्रो खेल हो । पहिलो खेलमा चितवन राइनोजसँग पराजित भएको पोखरा पहिलो जितको खोजीमा छ ।

काठमाडौं गोर्खाजले तेस्रो खेल खेल्न लागेको हो । पहिलो खेलमा चितवनसँग पराजित भएको काठमाडौंले बुधबार दोस्रो खेलमा कर्णालीलाई पराजित गरेको थियो ।

सुदूरपश्चिमले पनि दोस्रो खेल खेल्दैछ । पहिलो खेलमा सुदूरपश्चिमले विराटनगर किंग्सलाई पराजित गरेको थियो ।