एनपीएलमा विराटनगरको रोमाञ्चक जित

विराटनगर । नेपाल प्रिमियर लिगमा विराटनगर किङ्ग्सले लुम्बिनी लायन्समाथि रोमाञ्चक जित निकालेको छ ।

१९२ रनको विशाल लक्ष्य पछ्याएको विराटनगरले १ बल बाँकी हुँदा ८ विकेटको क्षतिमा राेमाञ्चक जित निकालेकाे हाे । एनपीएलमा तेस्राे खेल खेलेकाे विराटनगरकाे याे पहिलाे जित हाे ।

आजकाे खेलकाे अन्तिम ओभरमा विराटनगरलाई जितका लागि १५ रन चाहिएको थियो । क्रिस सोलले १ बाल बाँकी हुँदा १६ रन जोडेर विराटनगरलाई जित दिलाए ।

विराटनगरका ओपनर लोकेश बमले ७१ रन बनाए । अर्का ‌ओपनर इस्मत अलाम भने शून्यमै आउट हुँदा मार्टिन गप्टिलले १७ बलमा २८ रन जोडे ।

राजेश पुलामी ४ रन र निकोलास किर्टोन शून्यमा आउट भए । बसिद अहमद ४० रनमा आउट भए । बलिङमा लुम्बिनीका दुर्गेश गुप्ताले ३ विकेट लिए ।

टस जितेको विराटनगरले फिल्डिङ रोजेपछि पहिले ब्याटिङ गरेको लुम्बिनीले ७ विकेटको क्षतिमा १९१ रन जोडेको थियो ।

लुम्बिनीका लागि कप्तान रोहित कुमार पौडेलले ४६ रन जोडे । विवेक यादवलेले १९ रन जोडे । आशुतोष घिरैयाले १५ रन र अर्जुन साउदले १७ रन जोडे । टस मुर्स ३० रन जोडे। सन्दीप जोरा १२ रन जोडेका थिए ।