समताको एफपीओ खुल्यो

विराटनगर । समता घरेलु लघुवित्तको एफपीओमा आवेदन खुला भएको छ ।

कम्पनीले ३ लाख ५० हजार ९०४ कित्ता एफपीओका आवेदन खुला गरेको हो ।

प्रतिकित्ता १ सयका दरले सर्वसाधारणले कात्तिक २० गतेसम्म आवेदन दिन सक्नेछन् । कम्पनीले एफपीओबाट कुल ३ करोड ५० लाख ९० हजार ४२५ रुपैयाँ संकलन गर्नेछ ।

अनलाइन प्रणाली मेरोसेयर तथा आफ्नो खाता रहेको बैंक तथा वित्तीय संस्थाका शाखाबाट एफपीओ भर्न सकिनेछ । न्यूनतम १० र अधिकतम १ हजार कित्ताका लागि आवेदन दिन सकिनेछ ।