रियलमाथि बार्सिलाेनाकाे शानदार जित

विराटनगर । स्पेनिस ला लागिमा बार्सिलोनाले रियल म्याड्रिडमाथि ४– ० को शानदार जित निकालेको छ । एल क्लासिको भनिने दुई टोलीबीचको खेलमा जितसँगै बार्सिलोनाले ६ अङ्कको अग्रता बनाएको छ ।

शीर्ष स्थानको बार्सिलोनाको ११ खेलमा ३१ र समान खेल खेलेको रियलको २४ अङ्क छ। भिल्लारियलको २१ अङ्क छ ।

शनिबार राति भएको खेलमा बार्सिलोनाको जितका लागि रोबर्ट लेडवास्कीले दुई गोल गरे ।

५४ औँ मिनेटमा मार्क कासाडोको थ्रो पासमा लेडवास्कीले पहिलो गोल गरेका थिए। त्यसको दुई मिनेटपछि नै उनले अलेजान्द्रो बाल्डेको क्रसमा हेड मार्फत गोल गरे।

१७ वर्षीय लामिन यमालले ७७ औँ मिनेटमा गोल गरे । उनी एल क्लासिकोमा गोल गर्ने सबै भन्दा कान्छो खेलाडी समेत बने । ब्राजिलियन स्टार राफिन्हाले ८४ औँ मिनेटमा गोल गरे ।

शनिबार राति भएको खेलमा भिल्लारियलले रियल भालाडोलिडलाई २–१ ले, लास पल्मासले गिरोनालाई १–० ले तथा रायो भल्काननोले डेपोर्टिभो अल्भासलाई १–० ले पराजित गरेको छ ।