अर्जेन्टिनाको जितमा मेस्सीको सानदार ह्याट्रिक

विराटनगर । कप्तान लियोनल मेस्सीले ह्याट्रिक गर्दा अर्जेन्टिनाले बोलिभियामाथि सहज जित निकालेको छ ।

फिफा विश्वकप २०२६ को दक्षिण अमेरिका छनोट अन्तरगत बुधवार बिहान भएको खेलमा अर्जेन्टिनाले बोलिभियालाई ६–० गोल अन्तरले पराजित गरेको हो ।

अर्जेन्टिनाको जितमा कप्तान मेस्सीले ह्याट्रिक गरे । उनले १९, ८४ र ८६ औं मिनेटमा गोल गर्दै ह्याट्रिक पूरा गरेका हुन् । थियागो अल्मडा, जुलियन अल्भारेज र लौटरो मार्टिनेजले १–१ गोल गरे ।

खेलको १९ औं मिनेटमा कप्तान मेस्सीले अर्जेन्टिनालाई सुरुवाती अग्रता दिलाए । मार्टिनेजले ४३औं मिनेटमा दोस्रो गोल गरे । पहिलो हाफको इन्ज्युरी समयमा अल्भारेजले गोल गर्दै अर्जेन्टिनालाई ३–० मा पुर्याए ।

खेलको ६९औं मिनेटमा गोल गर्दै अल्मडाले गोल गरे । मेस्सीले ८४ औं र ८६औं मिनेटमा गोल गरे ।

अर्जेन्टिना १० खेलमा २२ अंकका साथ शीर्ष स्थानमा छ ।