क्यानडा भ्रमण : ओडीआईमा नेपाललाई १ अंक मात्रै, अब टी –२० सिरिज खेल्ने

विराटनगर । आईसीसी विश्वकप लिग – २ अन्तरगत क्यानडा भ्रमणमा रहेको नेपालले चार खेलको सिरिजमा जम्मा १ अंक जोडेको छ । तीन खेलमा पराजित भएको नेपालले अन्तिम खेल रद्द भएपछि १ अंक पाएको हो ।

सिरिजको अन्तिम खेल ओमनसँग खेल्ने कार्यतालिका थियो । खेल नेपाली समय अनुसार हिजो राति ८ :४५ मा क्यानडाको किंग सिटीमा सुरु हुनुपर्ने थियो । तर क्यानडामा वर्षा हुँदा खेल रद्द भएको हो ।

लिग २ अन्तरगतकाे एक दिवशीयमा नेपाल पहिलो खेलमा क्यानडासँग १०३, दोस्रो खेलमा ओमानसँग १ विकेट र तेस्रो खेलमा क्यानडासँग ५ विकेटले पराजित भएको थियो ।

अब नेपाल, क्यानडा र ओमानबीच त्रिकोणात्मक टी–२० सिरिज हुनेछ ।

लिग २ मा नेपाल ८ खेलमा ३ अंकका साथ सातौं स्थानमा छ । ओमान ७ खेलमा २ मा जितका साथ ६ अंक जोड्दै छैटौं स्थानमा छ । क्यानडा ११ खेलमा १४ अंकका साथ शीर्ष स्थानमा छ ।