रोनाल्डोले ९०१ औं गोल गर्दा पोर्चुगलको जित

विराटनगर । क्रिस्टियानो रोनाल्डोले फुटबल करियरको ९०१ औं गोल गर्दा पोर्चुगलले स्कटल्यान्डमाथि जित निकालेको छ ।

यूईएफए नेसन्स लिग लिग ए अन्तर्गत समूह एकको खेलमा स्कटल्यान्डमाथि २–१ को जित निकालेको हो । पाेर्चुगलकाे जितमा रोनाल्डोले ८८ औं मिनेटमा निर्णायक गोल गरे । योसँगै उनले आफ्नो अन्तर्राष्ट्रिय गोल संख्या १३२ मा पुर्‍याएका छन् ।

बिहीबार क्रोएसियामाथि २–१ को जित निकाल्दा रोनाल्डोले आफ्नो करियरको ९००औं गोल पूरा गरेका थिए ।

स्कट म्याकटोमिनेले सातौं मिनेटमा गोल गर्दै स्कटल्यान्डलाई सुरुआती अग्रता दिलाएका थिए । ५४ औं मिनेटमा ब्रुनो फर्नान्डेजले बराबरी गोल फर्काएका थिए ।

रोनाल्डो ८८औं मिनेटमा गोल गर्दै पोर्चुगललाई जित दिलाएका हुन् ।

रोनाल्डोले ९ सय १ गोलको कीर्तिमानका लागि स्पोर्टिङ लिस्बनबाट ५, म्यानचेस्टर युनाइटेडबाट १ सय ४५, रियल म्याड्रिडबाट ४ सय ५०, युभेन्टसबाट १ सय १ र साउदी अरबको अल नासरबाट ६८ गोल गरेका थिए ।