रेखा पौडेलको निर्णायक गोलमा अबुधाबी च्याम्पियन्स लिगको अन्तिम चरणमा

विराटनगर । नेपाली राष्ट्रीय फुटबल टोलीकी सदस्य रेखा पौडेलको निर्णायक गोलमा यूएईको अबुधाबी कन्ट्री एएफसी महिला च्याम्पियन्स लिगको अन्तिम चरणमा पुगेको छ ।

प्रारम्भिक चरण अन्तर्गत समूह ए को अन्तिम खेलमा रेखाको निर्णयक गोलमा अबुधाबीले साउदी अरेबियाको अल नासेरलाई १–० ले पराजित गर्दै अन्तिम चरणमा प्रवेश गरेको हो ।

वैकल्पिक खेलाडीको रुपमा मैदान प्रवेश गरेकी रेखाले ६८औं मिनेटमा गोल गर्दै अग्रता दिलाएकी थिइन् र त्यही गोल नै जितमा निर्णायक बन्यो ।

समूह चरणमा सबै तीन खेल जित्दै रेखा सम्मिलित अबुधाबी पहिलोपटक भइरहेको एएफसी महिला च्याम्पियन्स लिगको अन्तिम चरणमा प्रवेश गरेको हो ।

यसअघि रेखाले पहिलो खेलमा लाओसको योङ एलिफन्ट्सविरुद्ध पनि गोल गरेकी थिइन् ।