घट्यो सेयर बजार, कारोबार १९ अर्ब ७४ करोड

विराटनगर । आइतबार सेयर बजार मापन परिसूचक नेप्स घटेको छ । साताको पहिलो कारोबार दिन आज अघिल्लो कारोबार दिनको तुलनामा ७९.८८ अंक घटेको हो ।

उच्च अंकको गिरावट हुँदा नेप्से २८९४ अंकमा झरेको छ । आज कारोबार रकम पनि घटेको छ । जम्मा १९ अर्ब ७४ करोड रुपैयाँ बराबरको कारोबार भएको छ ।

आज ६० कम्पनीको मूल्य बढ्दा १८४ को घटेको छ । माइक्रोफाइनान्स बाहेकका सबै समूहगत सूचक घटेका छन् ।

माइक्रोफाइनान्स भने १.०८ प्रतिशत बढेको छ । बैंकिङ ३.३१, विकास बैंक २.४४, फाइनान्स ३.५०, होटल तथा पर्यटन २.३८, हाइड्रोपावर ३.०४, लगानी ३.८३, जीवन बीमा २.५०, उत्पादन १.९८, निर्जीवन बीमा २.३२, अन्य ३.५५ र व्यापार समूह १.७६ प्रतिशत घटेको छ ।