पेरिस ओलम्पिक : कसले कति जिते पदक ?

विराटनगर । पेरिस ओलम्पिक २०२४ मा अमेरिका पहिलो भएको छ । ओलम्पिकमा अमेरिका र चीन को अगाडि भन्ने प्रतिस्पर्धा थियो । अन्तिम दिन अमेरिकाले बाजी मारेकाे हाे ।

अमेरिका र चीनले समान ४० स्वर्ण जितेको थियो । तर रजत पदक धेरै जितेको आधारमा अमेरिका पहिलो बनेको हो ।

पहिलो रहेको अमेरिकाले ४० स्वर्ण ४४ रजत र ४२ कांस्य सहित १२६ पदक जित्दा दोस्रो स्थानमा रहेको चीनले ४० स्वर्ण २७ रजत र २४ कांस्यसहित ९१ पदक जितेको छ ।

जापान पदक तालिकामा तेस्रो भयो । जापानले २० स्वर्ण १२ रजत र १३ कांस्यसहित ४५ पदक जितेको छ ।

चौथो स्थानमा रहेको अष्ट्रेलिया १८ स्वर्ण १९ रजत र १६ कांस्य ५३ पदक जितेको छ । आयोजक फ्रान्स भने १६ स्वर्ण २६ रजत र २२ कांस्यसहित पाँचौँ स्थानमा छ । पेरिस ओलम्पिकमा २०६ राष्ट्र सहभागी भएका थिए । जसमा ९१ राष्ट्रले पदक जितेका थिए ।