एसिया कपमा नेपालको पहिलो कीर्तिमानी जित

काठमाडौँ । नेपालले एसीसी वुमन्स एसिया कपको उद्घाटन खेलमा नेपालले यूएईलाई ६ विकेटले पराजित गरेको छ । यो एसिया कपमा नेपालकाे पहिलो जित हो ।

यसअघि खेलेका सबै खेल नेपालले हारेको थियो । एसिया कपमा नेपालले पहिलो जित दर्ता गर्दा ४ कीर्तिमान बनाएका छन् ।

११६ रनको लक्ष्य पछ्याएको नेपालले १६.१ ओभरमा ४ विकेट गुमाउँदै पूरा गरेको थियो । नेपाललाई जिताउन ओपनर सम्झना खड्काले ४५ बलमा ११ चौकासहित ७२ रनको अविजित इनिङ खेलिन् । टस हारेर पहिला ब्याटिङको निम्तो पाएको यूएईले २० ओभरमा ८ विकेट गुमाउँदै ११५ रन बनाएको थियो । ११६ रन नेपाली महिला टोलीले टी २० आईमा पूरा गरेको हालसम्मको ठूलो हो ।

नेपालको एसियाको दुई संस्करणमा कूल ८ खेल खेल्दा सबै खेल हारेको थियो । सन् २०१२ मा नेपाल श्रीलंकासँग २० रन, बंगलादेशसँग ९ विकेट र घरेलु टोली चीनसँग ४५ रनले पराजित भएको थियो ।

सन् २०१६ मा पाकिस्तानसँग ९ विकेट, श्रीलंकासँग ८ विकेट, बंगलादेशसँग ९२ रन, थाइल्यान्डसँग ८ विकेट र भारतसँग ९९ रनले पराजित भएको थियो ।

सम्झना नेपालबाट महिला टी २० एसियाकपमा अर्धशतक प्रहार गर्ने पहिलो खेलाडी बनेकी छन् । सम्झना महिला टी–२० आईमा नेपालबाट एकै इनिङमा सर्वाधिक ११ चौका प्रहार गर्ने खेलाडी बनेकी छिन् ।