५४ अंकले बढ्यो नेप्से, १२ अर्ब नाघ्याे कारोबार

काठमाडौँ । नेपाल स्टक एक्सचेन्ज (नेप्से) परिसूचक बुधबार ५४.०४ प्रतिशत वृद्धि भएको छ ।

सेयर बजार बुधबार २३६४.६३ बिन्दुमा पुगेको छ ।

विष्णु पौडेल सोमबार अर्थमन्त्रीमा नियुक्त भएको दिन नेप्से घटेपनि त्यसपछिको दुई दिन लगातार वृद्धि भएको हो ।

बुधबार ३ करोड २० लाख ९५ हजार ९३७ कित्ता सेयर किनबेच हुँदा १२ अर्ब ५ करोड ९२ लाख ६६ हजार ११३ रुपैयाँ बराबरको कारोबार भएको छ । मंगलबार ९ अर्बभन्दा बढीको कारोबार भएको थियो ।

बुधबारको कारोबार २०७८ भदौ १५ यताकै उच्च हो । २०७८ भदौ १५ मा १३ अर्ब १६ करोडभन्दा बढीको शेयर कारोबार भएको थियो ।