सुनको मूल्यमा नयाँ रेकर्ड

काठमाडौँ । नेपाली बजारमा सुनको मूल्य एक लाख ४९ हजार ८०० पुगेको छ ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलामा २ हजार रुपैयाँ बढेर १ लाख ४९ हजार ८०० रुपैयाँ कायम भएको हाे । याे मूल्य हालसम्मकै उच्च हाे ।

मंगलबार दिन छापावाल सुनको मूल्य तोलामा १ लाख ४७ हजार ८०० रुपैयाँमा कारोबार भएको थियो ।

बुधबार तेजाबी सुन तोलामा १ लाख ४८ हजार १०० रुपैयाँ कायम भएको छ ।

बुधबार चाँदीको मूल्य पनि बढेको छ ।

अघिल्लो दिन तोलामा १ हजार ८७५ रुपैयाँमा कारोबार भएको चाँदीको मूल्य बुधबार बढेर १ हजार ८९५ रुपैयाँ कायम भएको हो ।