जीवन विकास स्वीट्सको नयाँ विक्री केन्द्र तीनपैनीमा

विराटनगर । विराटनगरको तीनपैनी चाेकमा जीवन विकास मिल्क एण्ड स्वीट्सकाे नयाँ बिक्री केन्द्र सञ्चालनमा आएकाे छ । बजारको माग सम्बोधन गर्नका लागि जीवन विकास डेरी प्रडक्ट प्रा‍लिले तीनपैनीमा बिक्री केन्द्र सञ्चालनमा ल्याएको हो ।

शुक्रबार उद्‌घाटन गरिएको जीवन विकास मिल्क एण्ड स्वीट्समा दूध, दही, घ्यूसँगै दूधजन्य उत्पादन आइसक्रिम र मिठाईका परिकार उपलब्ध रहने जीवन विकास डेरी प्रडक्ट प्रालिका म्यानेजिङ डाइरेक्टर विजय मण्डलले जानकारी दिए ।

उनका अनुसार तीनपैनीमा उद्घाटन भएकाे तेस्रो बिक्री केन्द्र हो ।

१३ वर्षयता किसानले उत्पादन गरेकाे दूध संकलन गरि दुग्धजन्य पदार्थ उत्पादन गरि बिक्री गर्दै आएको जीवन विकासले गत ४ कात्तिकमा जलजला चोकबाट उत्तर तर्फ जैन भवन अगाडि र ३ माघबाट ट्राफिक चोकमा बिक्री केन्द्र सञ्चालनमा ल्याएकाे थियाे ।

बजारको माग पुरा गर्नका लागि जीवन विकासले अन्य क्षेत्रमा पनि बिक्री केन्द्र सञ्चालनमा ल्याउने तयारी गरिरहेको छ । ‘हामी बजारको माग अनुसार सेवा विस्तार गर्दैछौ,’ मण्डलले भने,‘ हाम्रो लक्ष्य भनेको विराटनगरको हरेक क्षेत्रमा उच्च गुणस्तरीय दुग्ध उत्पादनहरू पुर्‍याउनु हो।’