कोलम्बिया कोपा अमेरिकाको फाइनलमा

विराटनगर । कोलम्बिया कोपा–अमेरिका फुटबलको फाइनलमा प्रवेश गरेको छ । उरुग्वेलाई हराउँदै कोलम्बिया फाइनल प्रवेश गरेको हो ।

आज बिहान भएको दोस्रो सेमिफाइनल खेलमा कोलम्बियाले १–० गोलअन्तरले उरुग्वेलाई पराजित गरेको हो ।

अब उपाधिको लागि कोम्बियाले अर्जेन्टिनासँग खेल्नेछ ।अर्जेन्टिनाले बुधबार बिहान क्यानडालाई २–० गोलले पराजित गर्दै फाइनलमा स्थान बनाएको थियो ।

कोलम्बियाको जितमा जेफरसन लेर्माले ३९ मिनेटमा गरेको गोल नै निर्णायक बन्यो ।

कोलम्बिया समूह ‘डी’ को विजेता बन्दै नकआउट चरणमा पुगेको थियो । कोलम्बियाले तीनमध्ये दुई खेलमा जित र एक खेलमा बराबरीको नतिजा निकालेको छ ।

कोलम्बियाले आफ्नो पहिलो खेलमा पाराग्वेलाई २–१ गोलले हराएको थियो । दोस्रो खेलमा कोस्टा रिकालाई ३–० ले पराजित गरेको थियो । तेस्रो खेलमा ब्राजिलसँग १–१ को बराबरी खेलेको थियो ।

कोलम्बियाले सन् २००१ मा कोपा–अमेरिकाको उपाधि जितेको थियो ।