युरो कप : सेमिफाइनल समीकरण पुरा

विराटनगर । जर्मनीमा जारी युरो कप २०२४ को सेमिफाइनल समीकरण पुरा भएको छ ।

तीन पूर्वविजेता स्पेन, फ्रान्स र नेदरल्याण्ड्स र साविक उपविजेता टोली इंग्ल्याण्ड अन्तिम चारमा पुगेका हुन् ।

पहिलो सेमिफाइनलमा स्पेनले फ्रान्ससँग खेल्नेछ । दोस्रो सेमिफाइनल नेदरल्याण्ड्स र इंग्ल्याण्डबीच हुनेछ ।

नेदरल्याण्ड्सले टर्कीविरुद्ध २–१ को पुनरागमन जित्दै तथा इंग्ल्याण्डले स्विट्जरल्याण्डलाई पेनाल्टी सुटआउटमा हराएर सेमिफाइनलमा प्रवेश गरेको हो ।

स्पेनले आयोजक जर्मनी र फ्रान्सले पोर्चुगललाई पराजित गरेको थियो ।

३ पटक उपाधि जितेको स्पेन चौथो पटक च्याम्पियन बन्दै सर्वाधिक सफल टोली बन्ने लक्ष्यमा छ । स्पेनले १९६४, २००८ र २०१२ मा युरो जितेको थियो । फ्रान्सले भने १९८४ र २००० मा उपाधि जितेको थियो ।

स्पेन र इंग्ल्याण्ड लगातार दोस्रो पटक सेमिफाइनलमा पुगेका हुन् । २०२१ को युरोमा स्पेन सेमिफाइनलमा इटलीसँग पराजित भएको थियो । इंग्ल्याण्ड फाइनलमा पेनाल्टीसुटआउटमा इटलीसँग पराजित भएको थियो । फ्रान्स भने २०१६ पछि सेमिफाइनलमा पुगेको हो । नेदरल्याण्ड्स २० वर्षपछि युरोको सेमिफाइनलमा पुगेको हो ।