प्रदेश कबड्डीको उपाधि मोरङलाई

विराटनगर । काेशी प्रदेशस्तरीय कबड्डी प्रतियोगिताको उपाधि मोरङले जितेको छ ।सुनसरीलाई पराजित गर्दै मोरङले उपाधि जितेको हो ।

कोशी प्रदेश खेलकुद विकास बोर्डले आयोजना गरेको प्रतियोगितामा मोरङ जिल्लाले सुनसरीलाई ५६–२८ प्वाइन्टले पराजित गरेको थियो ।

प्रतियोगिताको बिजेता मोरङले उपाधिसँगै १ लाख रुपैयाँ, शिल्ड, मेडल र प्रमाणपत्र प्राप्त गरेको छ ।

उपविजेता सुनसरीले ५० हजार रुपैयाँका साथै शिल्ड तथा प्रमाणपत्र प्राप्त गरेको छ ।

प्रतियोगितामा प्रदेश भित्रका १२ वटा जिल्लाले सहभागिता जनाएको थियो ।

मोरङ, सुनसरी, झापा, सोलुखुम्बु, उदयपुर, धनकुटा, इलाम, पाँचथर, ताप्लेजुङ, तेह्रथुम, संखुवासभा र ओखलढुंगा हुँदा भोजपुर र खोटाङले सहभागिता भएका थिएनन् ।