सहिद स्मृतिले जित्यो एसइई कपको उपाधि

विराटनगर । विराटनगरमा जारी तेस्रो संस्करणको एसइई कप अन्तर विद्यालय स्तरीय रनिङ शिल्ड फुटबलको उपाधि सहिद स्मृति माध्यमिक विद्यालयले जितेको छ ।

पोखरिया युथ केयर एकेडेमीले आयोजना गरेको प्रतियोगितामा सुनसरीको इटहरी–१९ मा रहेको सहिद स्मृति माविले विराटनगरको पोखरिया माविलाई १–० गोल अन्तरमा हराउँदै उपाधि जितेको हो ।

जितसँगै सहिद स्मृतिले २२ हजार २ सय २२ रुपैयाँका साथै शिल्ड प्राप्त गरेको छ । उपविजेता रहेको पोखरिया मालिे ११ हजार १ सय ११ रुपैयाँ प्राप्त ग¥यो ।

प्रतिस्पर्धात्मक खेलमा सहिद स्मृतिका युनिस चौधरीले गरे गोल निर्णायक बन्यो । प्रतियोगितामा मोरङ र सुनसरीका ४४ वटा निजी तथा सामुदायिक विद्यालयको सहभागिता रहेको थियो ।

प्रतियोगिताको व्यक्तिगत विधातर्फ उत्कृष्ट गोलरक्षक सहिद स्मृतिका सविन बिक, डिफेन्स विराटनगरको मोर्डनएरा स्कुल, मिडफिल्डर डनबस्को बोर्डिङ स्कुलका निकुश खतिवडा, स्टाइकर सहिद स्कृतिका युजिन चौधरी, सर्वाधिक गोलकर्ता पोखरिया माविका युनिस चौधरी र प्रशिक्षक सहिद स्मृतिका कोषराज दाहाल भए ।

अनुशासित टोलीको उपाधि युमी स्कुलले प्राप्त गर्यो । प्रतियोगितो सर्वोत्कृष्ट खेलाडी पोखरियाका अभिषेक कामत भए । उनले पुरस्कार वापत साइकल प्राप्त गरे ।

खेलाडीहरुलाई कोशी खेलकुद विकास बोर्डका सदस्यसचिव कृष्ण बस्नेत (पर्शुराम), आयोजक संस्थका अध्यक्ष बिक्रम कार्की (विक्की), पूर्व वरिष्ठ फुटबल प्रशिक्षक सन्तोष बानियाँलगायतले पुरस्कार प्रदान गरे ।