फेरि बढ्यो सुनको मूल्य

विराटनगर । सुनको बजार भाउ आजपनि बढेको छ । बुधबार प्रति तोलामा ४ सय रुपैयाँ बढेको हो ।

नेपाल सुनचाँदी व्यवसायी महासंघका अनुसार अघिल्लो दिन प्रतितोला १ लाख ४२ हजार ३ सय रुपैयाँ रहेको सुनको मुल्य बुधबार १ लाख ४२ हजार ७ सय रुपैयाँमा कारोबार भएको छ ।

२५ जेठमा सुनको भाउ हालसम्मकै उच्च १ लाख ४५ हजार रुपैयाँ पुगेको थियो ।

आज चाँदीको भाउ २० रुपैयाँ बढेको छ । अघिल्लो दिन प्रतितोला १८०५ रुपैयाँ रहेको चाँदी आज १८२५ रुपैयाँ कायम भएको छ ।