दक्षिण अफ्रिकाले पहिलो पटक विश्वकपको फाइनल

विराटनगर । दक्षिण अफ्रिका पहिलो पटक टी–२० विश्वकपको फाइनलमा पुगेको छ । अफगानिस्तानलाई ९ विकेटले हराउँदै जारी आईसीसी टी–२० विश्वकप २०२४ को फाइनलमा पुगेको हो ।

बिहीबार भएको पहिलो सेमिफाइनलमा ऐतिहासिक जित निकाल्दै दक्षिण अफिका विश्वकप क्रिकेटमा पहिलो पटक फाइनलमा पुगेको हो । यसअघि एकदिवसीयमा ५ र टी– २० मा दुई पटक सेमिफाइनलबाट बाहिरिएको थियो ।

अफगानिस्तानले दिएको ५७ रनको लक्ष्य दक्षिण अफ्रिकाले ८.५ ओभरमा १ विकेट पूरा गर्याे ।

त्यसअघि बायन लारा क्रिकेट स्टेडियम ट्रिनिडाडमा टस जितेर पहिला ब्याटिङ रोजेको अफगानिस्तान ११.५ ओभरमा ५६ रनमा अल आउट भयो । फगानिस्तानका १० खेलाडीले दोहोरो अंकमा रन बनाउन सकेनन् ।

दक्षिण अफ्रिका जितमा तीव्र गतिका बलर मार्को यानसनले ३ ओभरमा १६ रन खर्चेर ३ विकेट लिए । कागिसो रबाडाले ३ ओभरमा १ मेडनसहित १४ रन खर्चेर २ विकेट लिए ।

एनरिच नोर्कियाले ३ ओभरमा ७ रन खर्चेर २ विकेट लिए । तबरेज शाम्सीले १.५ ओभरमा ६ रन खर्चेर ३ विकेट लिए । दोस्रो सेमिफाइनलमा आज राति इंग्ल्यान्ड र भारतबीच प्रतिस्पर्धा हुँदैछ ।

फाइनल शनिबार हुनेछ ।