गंगा नदीमा डुंगा पल्टिँदा १४ जनाको मृत्यु

काठमाडौं । भारतको बिहारस्थित गंगा नदीमा डुंगा पल्टिँदा १४ जनाको मृत्यु भएको छ । दुर्घटनामा ६ जना घाइते भएका छन् ।

भारतीय सञ्चारमाध्यमका अनुसार मंगलबार साँझ बिहारको राघोपुर विधानसभा क्षेत्रअन्तर्गत रामपुर श्यामचन्द गाउँनजिकै दुर्घटना भएको हो । डुंगामा २० जनाभन्दा बढी सवार थिए । मृतकमा अधिकांश बालबालिका रहेको बताइएको छ ।

डुंगामा सवार व्यक्तिहरू भोज खान जाने क्रममा नदीमा डुंगा पल्टिएको बताइएको छ । घटनाको जानकारी पाएलगत्तै स्थानीय प्रहरी र प्रशासनले उद्धार अभियान चलाएका थिए । दुर्घटनाको कारण भने खुलिसकेको छैन ।

बिहारका मुख्यमन्त्री सम्राट चौधरीले दुर्घटनाप्रति दु:ख व्यक्त गर्दै मृतकका परिवारलाई जनही चार लाख भारतीय रुपैयाँ राहत दिने घोषणा गरेका छन् । उनले उद्धार कार्य तीव्र बनाउन र घाइतेको उचित उपचारको व्यवस्था गर्न प्रशासनलाई निर्देशन दिएको बताएका छन् ।