पूर्वप्रधानन्यायाधीश पक्राउ, कसुर खुलाइएन्

काठमाडौं । शनिबार राति प्रहरीले पूर्वप्रधानन्यायाधीश चोलेन्द्रशमशेर जबरालाई पक्राउ गर्याे । तर हाइप्रोफाइल व्यक्ति कुन कसुरका आधारमा समातिएका हुन् भन्ने प्रहरीले खुलाएको छैन ।

अपराध अनुसन्धान कार्यालय टेकुका एसएसपी सन्तोष खड्काले पूर्वप्रधानन्यायाधीश चोलेन्द्र शमशेर जबरालाई ‘सुरक्षा थ्रेट’पछि कार्यालयमा ल्याएर राखिएको बताए ।

अपराध अनुसन्धान कार्यालयको टोलीले जबरालाई महाराजगञ्जस्थित निवासबाट नियन्त्रणमा लिएको थियो । रातारात जबरालाई पक्राउ किन गरियो भन्ने प्रश्नमा एसएसपी खड्काले भनेका छन्, ‘उहाँलाई सुरक्षा थ्रेट छ भन्ने थाहा पाएपछि राति नै केही हुनसक्छ भनेर हाम्रो कार्यालयमा ल्याएर राखेका हौं ।’

शनिबार मध्यराति भएको यो घटनाले सरकारकाे कार्यशैलीमाथि प्रश्न उठेको छ ।