भोटेकोशी बाढी : मृतककाे संख्या ११२७, पाँच हजार सम्पर्कविहीन

काठमाडौं । रसुवाको भोटेकोशी नदीमा आएको विनाशकारी बाढीमा परेर मृत्यु हुनेकाे संख्या १ हजार १२७ पुगेकाे छ ।

नेपाल प्रहरीका अनुसार बुधबार बिहान ८ बजेसम्म १ हजार १२७ जनाकाे शव फेला परेकाे हाे ।

फेला परेका शवमध्ये ३१ बालक, ४५ बालिका, २२७ महिला र ३९७ पुरुष छन् । ४२७ वटा मानव शरीरका आंशिक अंगसमेत फेला परेका छन् ।

फेला परेका शवमध्ये १ हजार ११३ वटाको लास जाँच मुचुल्का सम्पन्न भएको छ भने ९५ शव परिवारलाई हस्तान्तरण गरिएको छ । ९११ शवको पहिचान अझै खुल्न सकेको छैन ।

प्रहरीका अनुसार बाढीमा परेर ४ हजार ८५८ जना अझै सम्पर्कविहीन छन् । थप १ हजार ३५० जनाको खोजीका लागि फोनमार्फत बेपत्ता भएको जानकारी प्राप्त भएको छ ।