भोटेकोशी बाढी :मृतककाे संख्या ५०० नाघ्याे

काठमाडौं । रसुवाको भोटेकोशी नदी हुँदै आएको बाढीमा परी ज्यान गुमाउनेको संख्या साढे पाँच सय नाघेको छ । प्रहरीले सार्वजनिक गरेकाे पछिल्लो विवरण अनुसार विभिन्न जिल्लामा फेला परेका शवको संख्या ५ सय ५३ पुगेको छ । बाढीमा परेर २७ जना प्रहरी अझै सम्पर्कविहीन छन् ।

नेपाल प्रहरीले शुक्रबार साँझ सार्वजनिक गरेको विवरणअनुसार विभिन्न जिल्लामा गरी हालसम्म ५ सय ५३ वटा शव फेला परेका छन् ।

फेला परेका शवमध्ये रसुवामा १३, नुवाकोटमा ३८, चितवनमा २२२, तनहुँमा ३१, धादिङमा ४०, गोरखामा ४७, नवलपरासी पूर्वमा १३४ र पश्चिम क्षेत्रमा २८ वटा रहेका छन् ।

बाढीपछि उद्धार तथा सुरक्षा व्यवस्थापनका लागि ४ हजार ४८९ जना प्रहरी परिचालन गरिएको छ । बाढीबाट प्रभावित क्षेत्रमा घाइते तथा उद्धार गरिएका व्यक्तिको संख्या १ हजार ४७३ पुगेको छ । जसमध्ये रसुवामा ५७२, नुवाकोटमा ८९८ र धादिङमा ३ जना रहेका छन् ।