राहत काेषमा राउतकाे ११ लाख सहयाेग

विराटनगर । रसुवाको भोटेकोशीमा आएको बाढी तथा पहिरोबाट प्रभावित नागरिकका नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउतले ११ लाख रूपैयाँ सहयोग गरेका छन् ।

भोटेकोशी नदीमा आएको विनाशकारी बाढी र पहिरोबाट ठूलो जनधनको क्षति भएपछि राउतले व्यक्तिगत तर्फबाट ११ लाख रुपैयाँ प्रधानमन्त्री राहत कोषमा सहयोग गरेका हुन् । विपद्को समयमा प्रभावित नागरिकको उद्धार, उपचार तथा राहतका लागि कोषमा सहयोग गरेको राउतले बताए ।

नेपाल उद्योग वाणिज्य महासंघ कोशी प्रदेशले प्राकृतिक विपद्बाट प्रभावित नागरिकका लागि सहयोग गर्न कोशी प्रदेशका उद्योगी, व्यवसायी तथा विभिन्न संघ–संस्थालाई पनि आग्रह गरेको छ ।

रंगेलीले एक दिनकाे तलब सहयाेग गर्ने

भाेटेकाेशीमा आएकाे बाढीका कारण प्रभावितकाे राहत तथा उद्दारका लागि रंगेली नगरपालिकाले पनि सहयाेग घाेषणा गरेकाे छ ।

रंगेली नगरपालिकाका प्रमुख कार्यकारी अधिकृत प्रदिप साहका अनुसार जनप्रतिनिधि र नगरपालिकाका सबै कर्मचारीकाे तर्फबाट एक दिनको तलब बराबरको रकम प्रधानमन्त्री दैवी प्रकोप उद्धारकोषमा जम्मा गर्ने निर्णय भएकाे छ ।