भाेटेकाेशीकाे बाढीले ४३१ मेगावाटका आयाेजनामा क्षति

काठमाडौं ।  भाेटेकाेशी नदीमा बुधबार बिहान आएको आकस्मिक बाढीले सात वटा विद्युत् आयोजनामा क्षति पुर्‍याएको छ । ऊर्जा मन्त्रालयका अनुसार ४३१.१ मेघावाट विद्युत आयाेजनामा क्षति पुगकाे हाे ।

रसुवागढी विद्युत् आयोजनाको १११ मेघावाट क्षति पुगेको छ । चिलिमेको २२, लाङटाङको २०, अप्पर त्रिशुली ३ एको ६०, त्रिशुली विद्यत आयोजनाको २४, देवीघाटको १४ र विद्युत प्राधीकरणको सोलार प्रणालीको २५ मेघावाट गरी कूल ४३१.१ मेघावाट विद्युत प्रणालीबाट बाहिर रहेको मन्त्रालयले जानकारी गराएको छ ।

विभिन्न वितरण संरचनाहरु समेत क्षतिग्रस्त भएकोले विद्युत आपूर्ति अवरुद्ध हुन गएको मन्त्रालयले जनाएको छ ।

‘प्राधिकरणले विद्युत आपूर्ति नियमित गर्न हरसम्भव प्रयास गर्ने प्रतिबद्धता व्यक्त गर्दै आपूर्ति नियमित नहुन्जेल सम्म धैर्य गरिदिई सोहिबमोजिमको सूचना प्रवाह गरिदिनु हुन समेत सम्बन्धित सबैमा प्राधिकरण हार्दिक अनुरोध गर्दछ,’ ऊर्जा मन्त्रालयको विज्ञप्तिमा भनिएको छ ।