जबरजस्ती करणी आराेपमा प्रहरी जवान पक्राउ

विराटनगर । युवतीलाई बलात्कार गरेको आरोपमा विराटनगरबाट नेपाल प्रहरीका एक जना जवान पक्राउ परेका छन् ।

विराटनगर महानगरपालिका–१८ घर भएका २३ वर्षीय प्रहरी जवान आजाद मियाँ बुधबार पक्राउ परेका हुन् । पीडितले दिएको किटानी जाहेरीका आधारमा पक्राउ गरेर मियाँलाई अनुसन्धानको दायरामा ल्याइएको मोरङ प्रहरीका डीएसपी सन्तोष श्रेष्ठले जानकारी दिए ।

उनका अनुसार प्रहरी जवान मियाँविरुद्ध जबरजस्ती करणी मुद्दा चलाउन बिहीबार अदालतबाट म्याद थप गरेर अनुसन्धानको बाँकी प्रक्रिया अघि बढाइएको छ । कोशी प्रदेश प्रहरी कार्यालय विराटनगरको सञ्चार शाखामा दरबन्दी भएका उनी साउन ४ गतेदेखि त्यहाँ कार्यरत थिए ।